Kumpir (Tierkesch gefëllte Gromperen)

Schwieregkeetsgrad 3/5

Fir 2 Pers. • Preparatioun : 15 Min. • Kachen : 50 Min • Rezept vun reyhanskitchenn

  • -2 déck Gromperen
  • -2 Iessläffel Botter
  • -1 Taass Mozzarella oder gerappte cheddar
  • -Salz
  • -Ketchup a Mayonnaise
Kumpir (Tierkesch gefëllte Gromperen)

  1. 1Grompere botzen (net schielen). An en Deppe mat Waasser ginn an opkachen. Wann d’Waasser bis kacht, d’Grompere 15 bis 20 Minutte kachen. Ofschëdden a mat enger Forschette e puer mol apicken. Grompere fir 20 bis 25 Minutten am Schäffchen (200 Grad) bake bis d‘Schuel knuspereg ass.
  2. 2Grompere längslech opschneiden (awer net ganz duerchschneiden). D’Grompere banne virsiichteg mat enger Forschette zerquetschen. Botter a Kéis derbäiginn, salzen a gutt vermëschen.
  3. 3Gromperen op Wonsch fëllen, zum Beispill mat Wurscht, Taboulé, russesch Zalot, Cornichons, Maiskären, Wurscht a Stécker geschnidden, Oliven a Granatapelkären.
  4. 4Wurscht a Stécker schneiden an an enger Pan mat Ueleg ubroden, 1-2 Iessläffel Ketchup an 0,5 Téiläffel Moschter derbäiginn an nach 1-2 Minutte kache loossen. E bëssen ofkille loossen éier d’Gromperen domadder gefëllt ginn.
  5. 5Mat Ketchup a Mayonnaise garnéieren a waarm zerwéieren. Gudden Appetit!
All eis Rezepter